Skulebygga 

Hovudbygget inneheld arbeidsrom for lærarar og elevar, ordinære klasserom, realfagslaboratorium, språklaboratorium, bibliotek, aula og kantine

Skulen har eige bygg for restaurant- og matfag ("Næringsfagbygget"). Her er det moderne laboratorium, fullt utstyrt produksjonsavdeling, storkjøkken og øvingsbutikk. 

Skulen har òg eige styrketreningsrom med apparat, vekter, tredemølle og spinningsyklar. Utanom ordinær undervisning har elevar tilgang til styrketreningsrommet på ettermiddag/kveldstid til kl. 20.00.

Strandahallen og andre idrettsanlegg på Stranda

Skulen disponerer Strandahallen på dagtid saman med Stranda ungdomsskule. Stranda stadion på Mona blir nytta til friidrett og fotball. Her er det kunstgras både på 11ar-bana og på eit mindre treningsfelt.

Strandafjellet 

Strandafjellet, som er mellom dei beste alpinanlegga i Noreg, har seks heiser og 17 nedfarter. Delar av anlegget har flomlys og snøkanoner. I tillegg er der totalt 15 kilometer preparerte langrennsløyper, mellom anna ei godt tilrettelagt lysløype (3 km). To halve skuledagar i veka frå jul til påske er elevane på idrettsfag i løypene på Strandafjellet. Til Strandafjellet er det berre 10 min med bil/buss.