Hopp til innhold Hopp til hovedmeny

Stranda VGS > Entreprenørskap > Om entreprenørskap

Om entreprenørskap

 

Stranda vidaregåande skule satsar stort på entreprenørskap og tilbyr faga Entreprenørskap og bedriftsutvikling 1 og Entreprenørskap og bedriftsutvikling 2 som eigne programfag. Klassene samarbeider tett med både lokalt og regionalt næringsliv og vil i tillegg til ei ny teknologisatsing også vidareføre det gode samarbeidet med Restaurant- og matfaglinja på skulen skuleåret 2019/2020.

Den digitale Fylkesmessa for ungdomsbedrifter 2020

FM UB 2020

Ungdomsbedrifta Plastic Mission UB vann førsteplass i kategorien "Beste kundeopplevelse på nett", der dei også kvalifiserte seg til NM, og fekk tredjeplass i utdelinga av Bærekraftprisen. Økologisk Gardsmat UB fekk tredjeplassen i kategorien "Beste forretningsplan" og var ei av to bedrifter som fekk utdelt Wild Card av juryen og dermed gullbillett til NM for ungdomsbedrifter 2020.

 

Lanseringsfesten til ungdomsbedriftene 13.12.2019

 

Ungdomsbedriftene Munnfull UB og Ibsen@Hellesylt UB vann to prisar kvar under Fylkesmessa for ungdomsbedrifter i Møre og Romsdal 2019. Munnfull UB vann førsteplassen for «Beste forretningsplan» og ein andreplass for «Beste yrkesfaglege bedrift», medan Ibsen@Hellesylt vann andreplassen for «Beste kundeoppleving på nett» og tredjeplassen for «Beste marknadsføring».

 

Lokalmat UB vann tre prisar under NM for ungdomsbedrifter i 2018: 2. plass i hovudkategorien "Beste ungdomsbedrift", 1. plass i kategorien "Beste samarbeid med næringslivet og 2. plass i kategorien "Størst verdiskapningspotensial".

 

Tre korte filmer frå Fylkesmessa for ungdomsbedrifter i Kristiansund i mars 2017. Stranda vgs vann tolv prisar og blei dermed den mestvinnande skulen i Møre og Romsdal for andre år på rad.

 

 

 

Ungdomsbedrifta ZUP UB var ein av finalistane til Gastronomiprisen under NM for ungdomsbedrifter i 2017, og blei dermed rangert blant dei seks beste bedriftene i landet innan gastronomi. 

Ungdomsbedrifta Brød-rett-hjem UB vann 3. plass for Beste forretningsplan og 3. plass i klassa for Gastronomi under NM for ungdomsbedrifter i 2016. Her frå NM-standen saman med statsminister Erna Solberg.

Ungdomsbedrifta Brød-rett-hjem UB vann heile fem prisar under Fylkesmessa for ungdomsbedrifter i 2016, inkludert førsteplassen for Beste ungdomsbedrift. Brød-rett-hjem UB blei dermed direkte kvalifisert til NM. Stranda vgs tok heile 10 prisar under messa, og blei den mestvinnande skulen i Møre og Romsdal i 2016.

Kvart år, i desember månad, arrangerer skulen lanseringsfest for ungdomsbedriftene i kantina, der foreldre, representantar frå lokalt næringsliv, fylkeskommunen, presse, samt lokale og regionale politikarar blir invitert.

Kvar bedrift stiller då med eigen stand i kantina.

Glutenfri UB vann Nordeaprisen for Beste forretningsplan under NM for ungdomsbedrifter i 2015, og fekk i tillegg 2. plass i klassa for Gastronomi. Ungdomsbedrifta var tverrfagleg, med 4 elevar frå entreprenørskap og 4 elevar frå restaurant- og matfag.

Glutenfri UB sikra seg fem prisar (2 førsteplassar, 1 andreplass og 2 tredjeplassar) på fylkesmessa for ungdomsbedrifter i Kristiansund 11. mars 2015. Bedrifta vart i tillegg plukka ut som ei av fire som representerte Møre og Romsdal i NM-finalen for ungdomsbedrifter på Lillestrøm 29.-30. april.

I 2013 vann ungdomsbedrifta Designentreprenørene 2. plass i kategorien «Beste innovative produkt» under NM for ungdomsbedrifter på Lillestrøm.